Bertako autore onenaren saria Raul Martinezentzat izan da eta, bestalde, Janire Retegui irundarrak irabazi du gaztetako parte-hartzaile onenaren saria.

Rallya Irunen ospatu zen apirilaren 23ko goizean. Bertan 40 argazkilari zalek hartu zuten parte, hiriaren barruan, proposatutako bost gaiei buruzko irudiak hartzeko: Liburuak, Loreak, Hegaztiak eta ura, Kirola eta Konposizioa diagonalean. Eguerdian, lehiakideek geldialdia egin zuten bidean, eta berriro elkartu ziren, giro ederrean, antolatzaileek Aia tabernan eskainitako hamaiketakoa dastatzeko, indarrak berritzeko eta argazkiak ateratzen jarraitzeko 14: 00ak arte, hau da, Rallya ixteko ordura arte.

Aurten ere, Bidasoa Rallya “Herriz Herri” Ligan sartuta egon da, https://hhargazki.eus, eta Euskal Herrian egiten diren rally gehienek parte hartzen dute bertan, guztientzat oinarri komunak dituztenak. Horri esker, lurraldeko hainbat herritatik datozen argazkizaleek parte hartu dute.

Sari banaketa ekitaldia AFIren lokalean egin da, maiatzaren 26an, parte hartu duten egile guztiek aurkeztutako argazkiekin prestatutako ikus-entzunezko bat proiektatu ondoren.


AFI-IAE, EKT
www.afi-iae.com