Azpeitiko Argazki Elkartetik zuzentzen gatzaizkizue. Azaroraren 4ean, Azpeitiko Argazki Elkarteak eta Lagun Onak Mendi Bazkunak elkarlanean antolatuta, mendiko udazkeneko Argazki Rallya antolatu dugu, azken urteotan egin ohi izan dugun bezala.
Rallyko partehartzaileek erretratuak atera beharko dituzte, Lagun Onak Mendi Bazkuneko kideek diseinatutako ibilbidean zehar eta Azpeitiko Argazki Elkarteko kideek ezarritako gaiekin bat etorriko direnak hain zuzen. Ibilbidean zehar, mendizaleak izango ditugu bidelagun.
Ibilbidearen erdi aldera, hamaiketakoa zain izango duzue indarrak hartu eta ibilbideari berriro ekiteko.
Lagunartean edo familia giroan, gure inguruetako bazterrak ikusi eta argazkiak ateratzeko kuriositatea lantzeko ekintza polita iruditzen zaigu.
16 urtetik beherakoek ez dute kuota ordaindu beharrik izango. 16tik gorakoek, aldiz, 10€.
Atxirik dituzue, ekintzaren oinarriak xehetasun gehiagorekin.
Eskertuko genuke zuen ikastetxean ikasleen artean ekintza honen gaineko informazioa zabaltzea.
________________———————–________________
Azpeitiko Argazki Elkartea